OFSS Bihar 11th Admission 2026: Bihar School Examination Board (BSEB) ki ore se rajya ke sabhi manyata prapt sarkari va gair sarkari sansthano me kaksha 11th me admission ke liye online aavedan prakriya aaj yani 8 April se start ho gayi hai. Jo chhatra 10th kaksha uttirn kar chuke hain aur aage ki padhai ke liye pravesh lena chahte hain ve Online Facilitation System for Students (OFSS) ofssbihar.net ke madhyam se aavedan kar sakte hain. Aapko bata dein ki is prakriya ke madhyam se rajya ki 17.50 lakh se adhik सीटों par pravesh diya jayega.
Cafe ya ghar se kar sakte hain apply
Admission ke liye chhatra ghar se computer/ laptop ke jariye ya cafe par jakar aavedan kar sakte hain. Registration karte samay chhatra nyuntam 10 vidyalayon evam adhiktam 20 vidyalayon ka chayan kar sakte hain. Cutoff marks ke anusar chhatra ko admission ke liye seat aavantit ki jayegi. Aavedan ke liye chhatraon ke liye mobile number evam email id darj karni hogi. Iske alava chhatraon ko aavedan ke liye registration number bhi darj karna hoga.
OFSS Bihar 11th Admission 2026 Application Fees
11th me admission ke liye chhatraon ko 350 rupaye aavedan shulk ka bhugtan karna hoga. Isme se 150 rupaye aavedan shulk aur 200 rupaye shikshan sansthan shulk hai. Students fees ka bhugtan e-challan, net banking, debit card, credit card ke madhyam se jama kar sakte hain.
